Les mots surlignés font l'objet d'une note
1Monseigneur, suivant la lettre quil vous a pleu escrire à monsieur de Merieu,
2j’ay faict toutes diligences de chercher et trouver les lettres d’erection
3des vibailly et visenescahl de robbe courte en ce païs es registres tant
4de la court, chambre des comptes, que des estatz dudit païs ; ce que
5n’ay peu faire pour n’y estre enregistrées, de façon qu’en fin, j’ay
6esté contrainct recourir au sieur d’Ortières comme ayant les papiers
7de feu son père, lequel m’en a envoyé ung extraict tout tel que celuy
8qui est cy enclos. Je suis marry, monseigneur, que je n’auy peu
9plus tost satisfaire à voz vouloir et commandement, mais
10quelque diligence que j’aye sceu faire, ne m’a esté possible le
11recouvrer que ce jourd’huy, dont je vous supplie bien humblement
12m’excuser. Je prie le Createur,
13monseigneur, maintenir votre grandeur en parfaicte santé, longue et
14heureuse vie. De Grenoble, ce Xe fevrier 1574.
15Votre très humble et obeissant
16serviteur à jamais
17Bonvert